A yll’ta dos dhe’n kevywi haneth?
Gallav. My a yll dos.
Na allav. Ny allav dos soweth.
A wre’ta dos omma yn fenowgh?
Gwrav. My a wra dos omma yn fenowgh.
Na wrav. Ny wrav dos omma yn fenowgh.
A vynn’ta prena an desenn joklat ma?
Mynnav. My a vynn hy frena.
Na vynnav. Ny vynnav hy frena.
A garsys eva te?
Karsen. My a garsa eva te.
Na garsen. Ny garsen eva te. Gwell via dhymm eva koffi.
Yw hemma dha glappkodh?
Yw. Ow klappkodh yw.
Nag yw. Nyns yw ow klappkodh.
Os ta lowen?
Ov. My yw lowen. / lowen ov vy.
Nag ov. Nyns ov vy lowen.
A wodhes’ta kewsel Kernewek?
Gonn. My a woer kewsel Kernewek.
Na wonn. Ny wonn kewsel Kernewek.
A welydh’ta an tiek na?
Gwelav. My a wel an tiek na.
Na welav. Ny welav an tiek na.
A glywydh’ta son an tren usi ow tos?
Klywav. My a glyw son an tren usi ow tos.
Na glywav. Ny glywav son an tren usi ow tos.
A woslowydh’ta orth Radyo an Gernewegva pub seythen?
Goslowav. My a woslow orth Radyo an Gernewegva oll an prys.
Na woslowav. Ny woslowav orth Radyo an Gernewegva mann.
A wre’ta konvedhes Spaynek?
Gwrav. My a wra konvedhes Spaynek.
Na wrav. Ny wrav konvedhes Spaynek.
A gonvedhydh’ta Frynkek?
Konvedhav. My a gonvedh Frynkek.
Na gonvedhav. Ny gonvedhav Frynkek.
A yll’ta kana?
Gallav. My a yll kana byttegyns ny wonn vy kana.
Na allav. Ny allav kana.
A wodhes’ta kana?
Gonn. My a woer kana.
Na wonn. Ny wonn kana.
Eus neppyth der an bellwolok haneth?
Eus. Yma an nowodhow der an bellwolok haneth.
Nag eus. Nyns eus travyth der an bellwolok haneth.
Usi ev ow tos?
Usi. Yma ev ow tos.
Nag usi. Nyns usi ev ow tos.
A gerydh’ta Essa?
Karav. My a gar Essa.
Na garav. Ny garav Essa.
